Bu gün ölkəmizin məşhur futbol klubu “Qarabağ” öz heyəti ilə İsveçrəyə yola düşüb. Klub Konfrans liqasinin sonuncu qrup oyununda İsveçrənin “Bazel” klubu ilə qarşılaşacaq. Səfər ərəfəsində Qarabağ klubunun üzvlərinin Kitaba olan sevgisi diqqətdən yayınmayıb. Belə ki, klubda müdafiəçi kimi çıxış edən Bəhlul Mustafazadə kitab oxuyarkən görüntülənib. Klubun hücumçusu Ramil Şeydayevin də böyük maraq və diqqətlə kitab oxuduğu fotolardan bəlli olur. Bu çox sevindirici haldır. Məlumdur ki, məşhur futbolçuların saysız-hesabsız azarkeşləri vardır. Əksəriyyəti isə yeniyetmə və gənclərdir. İnanırıq ki, məşhurların kitaba olan sevgi və marağı onlar üçün də öz təsirini buraxacaqdır. Biz də kitabsevər futbolçularımızın timsalında öz auditoriyamıza «Yolçuluq haraya olursa olsun yükümüz kitab olsun!», söyləyir, həmvətənlərimizə uğurlar diləyirik…
