“TİNG.AZ” haqqında
12 ildir uşaqların elm və əxlaqının inkişafını qarşısına məqsəd qoyan Yazıçılar Birliyinin Üzvü — Uşaq Yazarı Çinarə Köçərli müxtəlif mövzulu kitabları ilə fəaliyyətdədir.
Hələ də fəaliyyətinə davam edən yazıçı hazırda 13 kitab müəllifidir. Sağlam Ting, Saf Meyvədir! Öyrənən Uşaq, Faydalı İnsandır! şüarı ilə fəaliyyətinə başlayan “Ting.az” da eyni məqsədə yönəlmişdir. Həm uşaqların sevimlisi olan kitablar, həm müəllifin hekayələrinə çəkilmiş filmlər, cizgi filmləri ilə, interaktiv hazırlanmış elm öyrədən oyunlarla “Ting.az” uşaqları yormadan, maraqlı şəkildə öyrətməyə xidmət edir.
Uşaq psixologiyasının sağlam olması, məktəbdə öyrədilən fənnlərin yaxşı mənimsənilməsi, eyni zamanda uşaqlara daha fərqli üstünlüklər qazandıra biləcək sahələrin öyrədilməsi üçün fəliyyət göstərməkdəyik.
Vikipediyada «Ting.az» haqqında oxu: Link
ÇİNARƏ KÖÇƏRLİ
“Ərəb dili” kitabları üzrə müəllif olan Çinarə Köçərli “Ərəb dilinin” uşaqlara rahatlıqla öyrədilməsini müxətlif videolarla çatdıracaqdır. Yalnız elmin uşaqlara kifayət etmədiyini nəzərə alaraq Əxlaq və Tərbiyəyə yönələn məlumatlar da uşaqlara əyləncəli şəkildə ötürüləcəkdir.
Valideynlərin Çinarə Köçərlinin kitabları haqqında geniş məlumatı alması və sifariş etməsi burada mümkündür. Valideynlərin rəylərini, irad və təkliflərini dinləmək, suallarına cavab vermək də bizimlə mümkündür. Uşaq psixologiyası üzrə xüsusi təlimlər almış Çinarə Köçərlinin tövsiyələrini həm onun çıxışlarından, həm də məqalələrindən almaq mümkündür.
Savadlı kadrlardan ibarət olan Komandamız gələcəyə hazır olan, lakin kökünə bağlı olan uşaqları yetişdirməyi hədəfə almışdır! Uşaqların elm qazandıqca yorulmayıb, əksinə dincəlmələrinə nail olmağı hədəfə almışdır! Uşaqlarınızı bizə etibar edə bilməniz üçün şüarımızı xatırlayaq: Sağlam Ting, Saf Meyvə!, Öyrənən Uşaq, Faydalı İnsan!