Qadınlara sözüm odur ki, “Biz” olmağa çalışmasınlar. Yəni mən qohumu, qonşunu- hər bir kəsi razı salmalıyam və mən onlara görə yaşamalıyam dedikdə bu olmayacaq. Mütləq qadın sevgisinə sərhəd qoysun, özü üçün bir qucaq yaratsın. Həmin qucağa kimi daxil edəcəklərinə baxsın. Orada mütləq onun həyat yoldaşı, övladları, ailəsi və onu səmimi, yəni həqiqətən ürəkdən sevən insanlar olacaq ki, bu da onun öz valideynləri və ya ən səmimi olan dostları ola bilər. Qəlbinə isə yalnız elə bir Qüvvənin sevgisini qoyacaq ki, O Qüvvə o əhatəsinə aldığı insanlardan biri olmadıqda həmin Qüvvə onu irəliyə aparacaq, onu batmağa qoymayacaq.
