Ötən gün uşaq kitabları yazarı Çinarə Köçərli ilə Kaspi liseyində görüş təşkil edildi. “Dünyamızı gözəlləşdirək!” adlı görüşdə liseyin 100 dən çox şagirdi müəllifin kitablarından hekayələr danışdılar. Suallarını cavablandırıb kitab hədiyyələri qazandılar. İki saat davam edən əyləncəli görüşdən uşaqlar ayrılmaq istəmirdilər. Xüsusən “40 hekayə” və “Qorxmaz bir Macəra” kitabındakı hekayələr əsasında milli, mənəvi,islam dəyərləri müzakirə edildi. Ən çox ting nəşriyyatının “Quruluş Osman” və “Ərtoğrul bəy və qayılar” kitabına maraq göstərən oxucular kitabları əldə etdilər.
